كلمات ترنيمة : أؤمن يا سيد

^(ق) أومن يا سيد فأعني
عدم إيماني بيتعبني
باطلب سلامك يملاني
ارحمني واسند إيماني


⁽¹⁾ دا كل أمر في سلطانك
والكل مكشوف قدامك
مين يا ترى يمنع يدك
ومين يقول بعد كلامك


وكل شيء للخير تعمل
م اللعنه للبركه تحول
أبص ليه على غير شخصك
هاجي لك انت من الأول


⁽²⁾ قدام عيوبي وضعف الحب
قدام فسادي وكتر الحرب
قدام محبه غريبه يا رب
جاي لك وباسكب كل القلب


دي لمسه من إيدك تكفي
وكلمه ترسلها بتشفي
ونظره حلوه من عينك
قوام بترفعني في ضعفي


⁽³⁾ هاعيش وعودك مالياني
ونور حضورك في كياني
وافضل مثبت عيني عليك
ما هو انت مصدر إيماني


برحمتك ربي اذكرني
طريق كلامك علمني
دربني يا إلهي في حقك
عن كل باطل حولني



خريطة الموقع