كلمات ترنيمة : أنا حي بيك

⁽¹⁾ أنا حي بيك
يا شمس الحياة
متكون من تراب
وروحى في الاله


يا من صنعتنى
وسكنت فيَّ آه
وشيء بيشدني
من أرضي للسماء


^(ق) ويا محلاه
تسبيح إنسان سابح لله
وفي مرآه
شايف واخد رايح لله


وشيء جواه بيزيد
ويفيض ويقول الله
يا الله يا الله


⁽²⁾ شهيقى وزفيرى
مرهون بِ نسمتك
وتكونينى ومصيرى
موجود بِ كلمتك


قل لي أنا بحبك
هَ ألاقيني كلّي عندك
وأمَّا ترجعنى ليَّ
هَ ارجع وأشتاق لِ قربك


⁽³⁾ في الحضرة أسالنى فيني
آلاقيني في اتجاه
وجهك وآلاقي عيني
مفتوحه بِ الصلاة


مَطرَح ما القلب ساكن
بَ أسكن على رجاء
تتغير الأماكن
وألبس سَكَن السماء


⁽⁴⁾ يسافر بيَّّ نورك
وأدوق في الرحلة شيء
من الحق في حضورك
يشبعني في الطريق


وأهيم وأنا بَ أغنِّي
في دواير من ضياء
يرقص قلبي وكأني
طفل ف إيدين باباه


⁽⁵⁾ حبك عملني كائن
بيعيش عا الحب فيك
ويتدفأ المهابة
ويروح بِ مخافة ليك


جمراتك تحمي قلب ال
عابد من أي موت
لما يريدك ويقبل يموت
حب فى سكوت



خريطة الموقع