كلمات ترنيمة : أنا كنت فاكر

⁽¹⁾ أنا كنت فاكر إني وحيد مش ممكن أكلم ربنا
وإنه إله ساكن بعيد وأكيد مش زيينا


مش حاسس باللي أنا حاسسه مش عارف اللي أنا عايزه
فاكره في كوكب تاني لكن اكتشفت حاجات تانية


^(ق) أنا محبوب أنا مقبول أنا مخلوق على صورة الله
ولي أمري والمسؤول عن فرحي وحمايتي معاه


هاتنطط وبكل حماس دا أنا طاير م الفرحة معاه
وهاغني قدام الناس أيوه أنا ابن أعظم إله


⁽²⁾ أنا كنت فاكر إني ضعت خلاص ومافيش مني فايدة
وانه ماسكلي عصاية كمان وواقفلي علي الواحدة


ولازم اصلح نفسي قوام قبل ما احب اقوله كلام
لكن لما عرفته تمام اكتشفت حاجات تانية


⁽³⁾ انا كنت فاكر اني لعبه في ايده لغاية يوم ما اموت
وهايتحكم فيا يمين وشمال زي الريموت


وان الصلاة والتسبيح واجب اعمله ويا اما اتعاقب
لكن انا باعبده وانا حابب اصلي شفت حاجات تانية



خريطة الموقع