كلمات ترنيمة : أنا متطمن

⁽¹⁾ باعمل قليل وعارف
إن الكتير عليك
زي الفلاح اللي بيزرع
لكن النما عليك


أنا مطمن أنا مطمن
إنك سهران ع الزرعايه
إنت تكبر وانت تأمن
وصول الساير للغايه


⁽²⁾ الشمس ان غابت وانا ماشي
وضحكوا الناس عليَّ
راح اكمل في الليل مشواري
ما هي شمسك طالَّه فيَّ


أنا مطمن أنا مطمن
يا ناس الليل في آخره
إذا كنت في إيد أب حنين
كل الأزمات يمروا


⁽³⁾ مش متفاجئ في الغربه بشيء
دا السيد قال وكلامه يتم
في العالم هايكون ليكم ضيق
لكن انا غلبت العالم


أنا مطمن أنا مطمن
هو الحامي ورب العيله
وانا رافع إيدي باصلي ليه
لكن هو شايل الشيله



خريطة الموقع