كلمات ترنيمة : أنا هاستناك كل يوم

⁽¹⁾ أنا هاستناك كل يوم لأنك حيّ
حسب الوعود والشهود بأنك جاي
راح اقف قدامك يرويني حنانك
وهاشوف أمجادك ربي الحبيب


أنا هاستناك بكره كمان دا يوم جديد
أتمتع بيك لما تكشف لي أمر جديد


يدك تطعمني حبك يسندني
تشفيلي ضعفي دا انت الطبيب


هاستنى كمان لأن كلامك لا يزول
دا ولا قوات ولا سلاطين تقدر تقول


دا كلام أمثال ومالوش برهان
دا كان زمان مش راح يعود


⁽²⁾ دا كلامك حيّ وكل يوم يعطي حياه
أموات بتقوم وخطاه بتفرح بالنجاه


وكلامك يرجع يشفي ويرفع
يروي ويشبِع كل محتاج


أنا هاستناك لأن كلامك روح وحياه
اللي يقراه أحشاؤه تفيض أنهار مياه


سهران فرحان في نور وأمان
نفسه في سلام وفي نصره كمان


هاستنى فاديَّ لما يعود يوم الاختطاف
وألوف واقفين رافعين أصواتهم بالهتاف


صادق وأمين للمؤمنين
والمنتظرين والغالبين أنا هاستناك



خريطة الموقع