كلمات ترنيمة : إحنا الشعب اللي إنت فديته

⁽¹⁾ إحنا الشعب اللي إنت فديته
وبدم صليبك رشيته
قدسنا وخصصنا يا سيد
كمل عملك اللي بديته


القلب الفاسد طهرته
والفكر المسلوب حررته
والخاطي المسكين بررته
إحنا الشعب اللي إنت فديته


^(ق) يا إلهنا القدوس القادر قدسنا لشخصك نقينا
قوم كل ضعيف أو عاثر نور بقداستك ليالينا


عايزين نحيالك في طهارة من غير ما العالم يسبينا


تبقى حياتنا سراج ومنارة ويشوف الناس عمليك فينا


⁽²⁾ إحنا الشعب اللي إنت فديته
ومن كل قيوده حليته
القلب الميت أحييته
ومرار الماضي حليته


الماضي بموتك سمرته
والحاضر وحدك غيرته
ومصيرنا الأبدي نورته
إحنا الشعب اللي إنت فديته


⁽³⁾ إحنا الشعب اللي إنت فديته
لحياة في قداسة إنت دعيته
في الخدمة نعيش لك أيامنا
نشهد بفداك اللي عطيته


نكرز وبروحك تسندنا
نار حبك تشعل حماستنا
والسما تفرح بخطاة يتوبوا
نتكلم وإنت تأيدنا



خريطة الموقع