كلمات ترنيمة : إفتح يا رب عيون شعبك

⁽¹⁾ افتح يا رب عيون شعبك يشوفك انت ويسمع لك
تغفر خطاياه ويرجع لك وع الخطايا يدوس


وان كان في وسطينا حرام وقدام عدونا انهزام
اكشف لنا فين هو عخان واحفظنا م اللصوص


^(ق) يا عالي يا قدوس يا خالق النفوس
شعبك هنا واقف أمامك
جايين بهيبه قدام جلالك
يا عالي يا قدوس


⁽²⁾ بالدم شعبك إتقدِّس عمل صليبك يا مخلص
واحنا جينا لك نتخصص شعب المسيح مفروز


وعشان كلامك إنت الحق وغير كلامك ماهوش حق
ها نرفضه ونقول له لأ وبالوصايا نلوذ


⁽³⁾ جايين غرضنا تشكلنا ما هو احنا عملك يا جابلنا
إناء كرامه ها تعملنا بروحك القدوس


ونعيش عشان نخدم شخصك مجد وكرامه تكون لاسمك
شباب كتير يتكرس لك ويصير معاك محفوظ


⁽⁴⁾ بيوت عبيدك تحفظها تمد إيدك وتصونها
صوت الترنم يغمرها تيجي بحضور ملموس


ما فيش مثيلك يا غالب تصنع لشعبك عجايب
وتحفظه في التجارب وابليس يعود مفروس


⁽⁵⁾ فضِّينا منها أيادينا لا تخصنا ولا هيش لينا
بالتقوى وقداسة السيره ما هيش غنى وفلوس


ولا احنا ها نكلبش فيها وطأة قدم بنعدِّيها
لكن قلوبنا ما تِبغيها عابرين بعزم ندوس



خريطة الموقع