كلمات ترنيمة : إنت حمايا

⁽¹⁾ (إنت حمايا في زمن الضيق
وإنت معايا حبيب وصديق)2
لي عزايا ساندني كفاية
حاسس بي وجنبي رفيق


(حتى في وسط دموعي باغني
ما هو إنت يا إلهي رافعني)2
والأزمات تبقى اختبارات
وأكمل وإنت اللي ضامني


⁽²⁾ (لي كلامك نور وسراج
وحمايتي قصاد الأمواج)2
سيفي وعودك ترسي حضورك
سور حوالي وأعلى سياج


(حتى في وسط الحرب باغني
ما هو شخصك بتحارب عني)2
والصعوبات تبقى انتصارات
وأكمل وإنت اللي ضامني


⁽³⁾ (بيك راح أعدي كل ظروف
يحفظني سلامك في الخوف)2
بارفع قلبي وأناديك ربي
إحسانك بعيني باشوف


(حتى في وسط دا كله هاغني
وأستناك تيجي تشجعني)2
والالامات تبقى ابتسامات
واكمل وانت اللى ضامنى



خريطة الموقع