كلمات ترنيمة : إنت هو المسيح

إنت هو المسيح ابن الله الحي
إنت اللي فيك قدرنا نقشع بالله بيي
هيدي هيي الحقيقة والخطوة الجريئة
هيدا هوي الاعتراف اللي بطرس قاله وما خاف
واعترافه صار الصخرة وإعلانه صار الأساس
وعلى هاالصخرة كان الوعد بكنيسة رح تبنيها
وابواب جهنم عالأرض مش رح تقدر تحنيها
إنت هوي حجر الأساس جسدك نحنا وإنت الراس
نحنا بهالعالم من دونك عطشان بصحرا بلا مي


على بابي وقف ودقيت تسألني إذا بسمحلك
ياما سمعت وما رديت ولا كان بدي إفتحلك
لو إنك شحاد وناطر على بابي مكسور الخاطر
ما كنت بتنطرني سنين وانا مش راضي إسمعلك


على ركبي ركعت وصليت إصرخ حتى تسامحني
بلحظة كل ذنوبي محيت ودغري رضيت تصالحني
محيت الصك اللي كان عليي هزمت الموت الساكن فيي
بتستاهل عشلك إيامي وفكر فيك وإخضعلك



خريطة الموقع