كلمات ترنيمة : إوعى تنسى إني معاك

⁽¹⁾ إوعى تنسى إني معاك
طول اليوم عيني بترعاك
نقشتك يا ابني على كفي
علشان كده يا ابني ماتخافشي


^(ق) ماتخافشي ماتخافشي
في وعودي ليك أنا مارجعشي


⁽²⁾ وعدتك يا ابني أحميك
وف خوفك سلامي ليك
وف ضعفك نعمتي تكفيك
وف مرضك أنا اللي شافيك


⁽³⁾ أنا ساندك وسط الأزمات
أنا رافعك فوق الضيقات
واعوض عن اللي فات
دا أنا إله المستحيلات


⁽⁴⁾ أنا حافظك طول السنين
إوعى تنسى أنا وعدي أمين
هانجيك من قلب النار
هاعديك كل الأسوار


⁽⁵⁾ وقت خوفك أنا وياك
وف ظروفك مش هانساك
في عالم مليان أشرار
إلهك ده إله جبار


⁽⁶⁾ أنا جاي لك على السحاب
إستناني مع الأحباب
هانسيك أرض الأتعاب
تلقى الراحة ف بيت الأب



خريطة الموقع