كلمات ترنيمة : اتغيرنا كتير

اتغيرنا كتير وبقينا مشغولين بالدنيا الفانية


ونسينا يسوعنا وقسينا وانشغلنا بحاجات تانية


اللي واخداه الحياة همه يجمع مال وجاه


واللي وسط همومه تاه ومشاكل الدنيا واخداه


واللي عايش كل همه إنه يلقى قوت اليوم


واللي مرضه خلى قلبه مليان بمآسي وهموم


واللي يقضي كل وقته طول حياته وسط شغله


واللي عايش ناسي إنه مش هايضمن يوم في عمره


لو نفكر راح نلاقي إن كل الدنيا فانية


وإن حل كل المشاكل عند يسوع ممكن في ثانية


هو مش ناسي القطيع عينه عليه ليل ونهار


وياه مش ممكن هانضيع لو نلجأ باستمرار



خريطة الموقع