كلمات ترنيمة : اتلاقيت

اتلاقيت انا وانت تاني بعد توهتي ف الحياة ..
جيت دخلت لحضن بيتك كنت مشتاق للصلاة ..


غمضت ف لحظة عينيَّ برج حصين حوَّط عليَّ ..
ف حضورك لمست قوة فيض مراحمك زاد مداه ..


كنت جاي وعايز اقولك انت أب جميل وصالح ..
بفتكر دايمًا جمايلك قد ايه قلبك مسامح ..


قلبي مكسوف م الحنان شفت جوة عينيك امان ..
انت هو إله زمان بابك لينا تملي فاتح ..


كل قعدة معاك بلاقي سيل دموع نازل قصادي ..
مش دموع من وجعي لكن فرحة إنك أب راعي ..


إحساسي بجمال رعايتك سندتك ليَّ وحمايتك ،،
دوقت راحة بين ملامحك مش بلقى للخوف فيَّ داعي


كنت جاي وعايز اقولك انت أب جميل وصالح ..
بفتكر دايمًا جمايلك قد ايه قلبك مسامح ..


قلبي مكسوف م الحنان شفت جوة عينيك امان ..
انت هو إله زمان بابك لينا تملي فاتح ..



خريطة الموقع