كلمات ترنيمة : اجمل عبودية

جيت ولقيتني في وسط القبور الضيق مكاني والظلمة شايفها نور
حنيت عليا فكيت قيودي اصبحت بيك عاقل يا يسوع


اجمل عبودية لمنفعتي لقيتها معاك يا يسوع
ده انا ياما كنت عبد لغيرك وراحت مني ايامي في جوع
وبكيت ياما بكيت من قسوة سيد وراء سيد
لكن اما اخترت اكون عبدك بقيت انت السيد الوحيد


اجمل حياة انا حبيتها لقيتها معاك يا يسوع
انا ياما حاولت اعيش ما قدرت وكانت كل ايامي رجوع
وحزين كنت حزين علي عمري واحلي سنين
لكن اما اخترت اني ارجعلك بقي كل العمر معاك ثمين


اجمل اغنية انا غنيتها غنيتها ليك يا يسوع
ده انا ياما ليلي طرحلي كابة وكل ما اشبع تاني اجوع
وجريت ياما جريت غير موتي انا مالقيت
لكن اما اخترت اني اخضعلك بقيت انت الفرحة في احلي بيت



خريطة الموقع