كلمات ترنيمة : ادم اين انت

^(ق) (آدم.. أين انت؟)4


(شايف نفسك عريان
وانا شايفك لسه إبن
خايف ومافيش أمان
وناسي إن لك حضن)2


⁽¹⁾ (شفت ف نفسك إله
يفصل في الخير والشر
تصنع وحدك حياة
فَ دفنت نفسك يا حُرّ)2


(اخترت لك الحياة
وخَيّرتك تبقى حي
رحت اخترت اتجاه
ما اختارش فيه أي شيّ)2


⁽²⁾ (أوجدت فيك احتياج:
”لا تكمل إلا بي“
وقربي هو السياج
لوجودك من حبي)2


(تركيزك على امتلاك
ذاتك بدوني هلاك
ونسيت ان الحياة
هي: ”منحة اني معاك“)2


⁽³⁾ (قطفت من غيري ليه؟
قطعت نفسك فَ متّ !
والغصن من غيري إيه؟
غير صورة يابسة..ف خفت)2


(والخوف خلاك تعيش
في البعد عني كعبد
لو كنت رافضك ما اجيش
والستر ف يدّي رَدّ)2


⁽⁴⁾ (مرايتك أنت دي غاشة
و ف عريك أنت تحط
رتوش إنما هشّة
تسقط لأنك سقطت)2


(محدود أنت وعجيب
ف رفضك أي حَدّ
مع إن وجهي قريب
لك.. وانت فيه لا تُحَدّ)2



خريطة الموقع