كلمات ترنيمة : اطمن خايف ليه

^(ق) اطمِّن خايف ليه
دا ناقش اسمَك على كفِّيه
طول ما انت ماسك في إيديه
اطمِّن


عندُه للموت مخارِج
ماهو هوّ الأسد الخارج
غالِب وها يِفضل غالِب
اطمِّن


⁽¹⁾ ع الموج العالي بيِمشي
وكمان المرضَى بيِشفي
يِدِّي وبالنِّعمه يكفِّي
ويسدِّد الاحتياجات


في البحر يشُقّ طريق
يتمَجِّد وَسط الضِّيق
وامَّا الأحوال بتضِيق
يِجي ويِصنع قُوَّات


⁽²⁾ ضابِط كلّ الأكوان
وبرُوحُه في كلّ مكان
وبيِدِّي سلام وأمان
للِّي بيتعلَّق بيه


في الرَّحمه ما لُهش مثيل
وفِداؤه دا هُوّ دليل
عن حُبُّه لكلّ ذليل
غالي ومحبوب في عينيه


⁽³⁾ في الحرب يحارب عنَّا
لما بنصرُخ له أعِنَّا
طول عمره قُريِّب مِنَّا
ولا يعرف مستحيلات


إبليس قدَّامُه مَرعُوب
وبإسم يسوع مَغلوب
واحنا بدمّ المصلوب
مَضمون لينا انتصارات



خريطة الموقع