كلمات ترنيمة : اعمل فينا نهضة

⁽¹⁾ اعمِل فينا نهضَة وزِيل عار العبوديَّه
والفشلان في نَفسُهيلاقيك الحرِّيَّه
وبلمسِة إيدك دوِّب القلوب العنيده
واللِّيلَه ويَّاك نفتح صَفَحَات جديده


^(ق) شعبك محتاج ليك واشتقنا لك غيَّرنا
مِدّ لنا إيديك اعبر لينا وأعِنَّا


⁽²⁾ شيل كلّ خصام اتزرع وَسطينا
وازرع فينا سلام وبحُبَّك غطِّينا
ونواظب ع الصَّلوات والشركه المسيحيَّه
وتعوَّض عن اللِّي فات بآيات معجزيَّه


⁽³⁾ ربّ الجنود يسُود وبمجده يسبينا
يهرب الحَسُود اللِّي ذلّ فينا
لما تاخُد مكانك وتِعلا ف وسطينا
نفرح هنا قدَّامك ونزوِّد أغانينا


⁽⁴⁾ ونصلِّي بدُمُوع من أجل الخطاه
نشهد عن يسوع اللِّي ادَّانا حياه
ونعيش للِّي فدانا بأمانه وإخلاص
وتكون حياتنا رساله لكلّ النَّاس



خريطة الموقع