كلمات ترنيمة : اكيد بعد الضلمة نور

⁽¹⁾ مانتاش اله جامد ابكم
لكنك حي بتتكلم
و ف ضيقي معايا بتتضايق
و ف ألمي معايا بتتألم


^(ق) (واكيد بعد الضلمة نور
واكيد ف ايديك شبع سرور
واكيد لا يخزي منتظروك
واكيد مجدك هيُرى ويُعلن)2


⁽²⁾ مش واقف علي ضعفي تدينني
دا انت بتسندني و بتعينني
و ف وسط النار بتشكلني
و تطبع فيا صورة ابنك


⁽³⁾ لا بتنسي ولا بتنكر وعدك
و لا تيأس ولا تنقض عهدك
لا ها تترك نفسك بلا شاهد
و لا راح تتنازل عن مجدك


⁽⁴⁾ أنا هالقى رجائي على امانتك
و اتعلق من تانى ف شخصك
ولو اتوانيت أنا هاستنى
و عارف انك جاى فى وقتك


⁽⁵⁾ مش عاجز و لا غير مبالى
ده انت قدير و انا عندك غالى
في الحكمة بتتانى لمجدك
و ف لحظة تغير احوالى


⁽⁶⁾ مش ها تجرب فوق ما تحمل
بالنعمة هاتقوى و اكمل
وف تجربتى هاتدى المنفذ
و ف وقتك انت ها تتدخل



خريطة الموقع