كلمات ترنيمة : الارض بقت سما

⁽¹⁾ نفسي يكون قلبى ليك مزود
تيجي ياربي تقدسه بيك
يتكلم عنك ليك يشهد
كل مكان جواه يكون ليك


تقبل إنه يكون لك مسكن
وتحل بروحك تبنيه
وبحبك يفضل متأمن
(ويزول كل الفاسد فيه)2


^(ق) (دي الارض بقت سما
لما جيت وسكنتها
وملايكة بالتسابيح بتقولك
احلى مديح وياهم قلبي انا)2


⁽²⁾ نفسي اكون لك زي مجوس
اسجد طول العمر وأطيع
اقطع مسافات وامشي ادوس
على شهوات الدنيا ابيع


اقبل يبقى العمر هديه
وأفضل طول ايامي بأشوف
عندي سلام وبصيرة روحية
(متصان م الحزن وم الخوف)2


⁽³⁾ نفسي اكون نجمة ليك ترشد
وتقوي ضعيف بيك وتشدد
بزيارة نعمة راح اجدد
كل وعود انا قلتها ليك


زي ماجيت في ملء الزمان
بحنانك وبقيت انسان
إديني اخدم واقدم
(كل مواهبي وذاتي كمان)2



خريطة الموقع