كلمات ترنيمة : الايام الصعبة تعدي

⁽¹⁾ الأيام الصعبة تعدي
والموجة لو عالية تهدي
(وجفافنا لو طال هاتندي
بالخير تيجي وبالاحسان)2


⁽²⁾ بحضورك هاترف علينا
سور نارك ده من حوالينا
(وهايتعظم اسمك فينا
نعلن نصرنا بالايمان)2


⁽³⁾ شوقنا يا رب نكون وياك
وعينينا باصة لسماك
(ننسى احزاننا واحنا معاك
يوم ما تاخدنا بالأحضان)2


⁽⁴⁾ كل مرارة احنا عشناها
والألمات اللي دقناها
(هايبدلها يسوع ياهنانا
يسبينا قلبه الحنان)2


⁽⁵⁾ مجد ابدي منتظرنا
والسما هاتكون عنواننا
(ومعاك ننسى كل ألمنا
لما نشوفك بالعيان)2


⁽⁶⁾ نهتف مجدا للحمل
ده مات علشانا واحتمل
(وفرحنا بشخصه اكتمل
يأسرنا مجده الفتان)2



خريطة الموقع