كلمات ترنيمة : البابا والحراميه

(أبونا مينا كان من عادتة
يتمشي ساعة الغروب
كان يتمشي برة طاحونته
شرق وغرب شمال وجنوب)2


أتاري اتنين كانوا مراقبينة
دخلوا عند الفرن إتداروا
قالوا يدخل ونروح ضاربينة
نسرق منة هدايا زوارة


(دخل البابا وتربس بابة
طلع يصلي فوق ويصيح
البابا طول في غيابة
سامعين بس صلاة وتسبيح)2


نص الليل عدي ولا نزلش
قالوا هنشوف بس نهايتة
وهو يصلي ولا بطلش
والحرامية جوة طاحونتة


قالوا بينا يلا نطلعله
بس يارب انت تسلمها
ملقوش سلم يطلعوا منة
بصوا لفوق لقوا سماء ونجومها


(قالوا يالا نهرب علي برة
ولهنا تانى ابدا مانعود
ملقوش اثر الباب بالمرة
ومكانة بالطوب مسدود)2


نزل البابا في الفجرية
علي السلم من الدور الثاني
قال متجوش المنطقة دية
ولا اشفكم هنا ابدا تاني


وادي دليل علي قلبة الطيب
بيسامح حتي الخاطئين
زي الفادي ما كن بيطيب
وبيقبل كل التائبين


(دة اللي بيدي الفادي حياتة
ربنا ابدا ما يسبهوش
وبيحرسة في جميع اوقاتة
والاشرار متقربلوش)2



خريطة الموقع