كلمات ترنيمة : الرب يحامي عني

⁽¹⁾ الرب يحامى عنى
عايش انا فى خيره
دايما قريب منى
عيني مش شايفة غيره


أجرى عليه وارتاح
واتمسك بالمكتوب
بأيديه يشفى الجراح
و ينصف المغلوب


⁽²⁾ الرب يحامي عني
عني أبدا ما تخلى
بشخصه يعينني
وفي شدتي يتجلى


جعل وجهي صوان
فعرفت أني لا أخزى
وعلي صدره الحنان
أنعس فهو لا ينسى


⁽³⁾ الرب يحامي عني
من إيه أفزع وأهاب
يرفعني ويطمني
لأهون الأسباب


لا يدع عصا الأشرار
تمسنا بالسوء
حتى إن هاجت البحار
يأمر بوقف النوء


⁽⁴⁾ الرب يحامي عني
في قوتي وفي ضعفي
وينزع عاري مني
ونعمته بتكفي


يجرح ويعصب
ويداه تشفيان
وفي قلبي يسكب
بروحه إطمئنان



خريطة الموقع