كلمات ترنيمة : المجد والغني والعظمة

⁽¹⁾ (لما انفتحت جوا ف قلبي
عيون النور
ملا عيني جماله وبهاؤه
اللي كان مستور)2


وسمعت قلبي
لما لساني ما قال شي كلام
وبعدها انفتحت
في كل كياني ودان


^(ق) المجد والغنى والعظمة
حوالين كرسيه
وتيجان عظماء مطروحة
عند قدميه


والكل بيهتف ويسبح
ويقول: قدوس
الحمل الراعي اللي نقَشنا
على كف إيديه


⁽²⁾ (العدو قد تم خرابه
وبيته مهدود
والرب الجالس فوق عرشه
جعل له حدود)2


وعديم القوه
بقى قادر بصليب يسوع
يعمِل أعمال
سِيده الغالب ويعدِّي سدود


⁽³⁾ (وملايكه ألوف ربوات واقفة
ترفع تسبيح
شاروبيم صاروفيم باجنحه ستة
تهتف بمديح)2


قدوس قدوس
رب الصباؤوت ملك الملوك
السما والأرض
بتعظم دم الذبيح


⁽⁴⁾ (يا يسوع
إنت الطريق والحق والحياة
والخبز النازل م السما
وما فيش في غناه)2


وانت اللي أتيت
وكمان الآتي رب الأرباب
وجلست وها تجلِّسنا في مجد
ما فيش في بهاه



خريطة الموقع