كلمات ترنيمة : انا لسه نونو

^(ق) انا لسة نونو نونو نونو
وعنيا نونو نونو نونو
واديا نونو نونو نونو
لكن عندى قلب كبير


انا بكبر حبة.....حبة.......حبة
وفى قلبى تكبر فيه المحبة
والشر بيجرى ويستخبى
لما بصلى لربى كتير


⁽¹⁾ انا بصحى الصبح بدرى
اغسل وشى وسنانى
وبسرعة على اوضتى بجري
ادخل واصلي في مكاني


واطلب منه واقولة يا ربي
حافظ عليا !!!
ماهو انت عارف اني بحبك
قد الدنيا ديه


وعلشان خاطري
خلي بالك
من كل نونو


⁽²⁾ وكمان لازم اصلي
في ميعاد الاكل تمام
وبخلص كل طبقي
علشان اكبر قوام


ولما بدخل جوة كنيستي
اولع شمعة
قدام صورة ماما العدرا
ماهي لينا سامعة


ويسوع شايلاة
جوة الصورة
ماهو لسه نونو !!!


⁽³⁾ وبساعد بابا وماما
وبسمع الكلام
وهادي ومش باتشاقي
واصلي قبل اما انام


واقوله شكرا ليك يا الهي علشان
حافظت عليا
واطلب منه واقولة سامحني يارب
واغفر ليا


وابعت ليا
ملاكي الحارس
الليل بطوله



خريطة الموقع