كلمات ترنيمة : انا مديون جدا لاحسانك

⁽¹⁾ (انا مديون جدا لإحسانك
وللطفك بيا
ياللي مخبيني في احضانك
وماسك بإيديا)2


(خليك قدامي بسلطانك
اصل صغير انا عن احسانك
انا مش ممكن مرة انسالك
انقاذك ليا)2


⁽²⁾ (انا من غيرك بتعب جدا
باحتار بانهار
وحدك بتحول في حياتي
الليل لنهار)2


(ده وجودك جنبي مطمني
علمتني افرح واغني
اعزفي يا اوتار قلبي ورني
لإله جبار)2


⁽³⁾ (ياللي فوق الخشبة دفعت حساب
قاسي وتقيل
كان اثمي وشري وخطاياي
واخديني لليل)2


(جيت نورت العتمه بنورك
هرب اللي ساجني بحضورك
بدلت الاحزان بسرورك
وطردت الليل)2


⁽⁴⁾ (لما باجيلك ربي بضعفي
وقلة ايماني
واتعكز على ايدك والقلب
الصافي الحاني)2


(تدي معونة وتيجي تعوض
وبتعرف تسند وتعضد
وتقومني انا لما اسقط
حبك يملاني)2



خريطة الموقع