كلمات ترنيمة : انا مش بغامر

⁽¹⁾ (أنا مش باغامر
لما باسلم فكري ليه
ومش باضارب الهوا
لما أصرخ ليه


ومش سراب بيجري بعيد
مخدوعة نفسي بيه
هو الوحيد يستاهل
كل ثقتي فيه)2


^(ق) (هو الطريق والحياة
وكمال المشيئة
هو اللي بيدي لموتى
مخارج بمية طريقة


هو اللي حلوله
فوق العقل وفوق إدراكي
وتاريخه معايا في عمري
بيشهد إنه عجيب)2


⁽²⁾ (أنا مش ضماني في مال
أو شىء مسنود عليه
ومش مشغول ببكرة
إيه اللي جايلى بيه


محفوظة حياتي وأوقاتي
بوعده اللي ماسك فيه
هو الصديق والصادق
كل رجائي فيه)2


⁽³⁾ (أنا ماستغربش الضيقة
لما باكون وياه
محسومة مسيرها لخيري
وف كلماته نجاة


وقصاد شكاية العدو عليَّ
لو صرخت بآه
هو ترسي وسندي
وحصن ملجأ بالقاه)2



خريطة الموقع