كلمات ترنيمة : انا ملكك

⁽¹⁾ أنا ملكك إنت وحدك أنا لي قيمه عندك
أنا كنت زمان با أعاندك وتعبت عشان ناسيك


حيرتي وذلي وهواني في طريقى الأولانى
وطريقك شكل تانى ولقيت الراحه فيك


^(ق) خبيت وصاياك في قلبى علشان ماخطأشى ليك
حبيت إسمك يا ربي ومليت العمر بيك


⁽²⁾ طبعا لازم أحبك خبيتنى جوه سترك
خليتنى أبقى إبنك متشال جوه ف عينيك


ياللى بإيدك جابلنى بمحبه بتعاملنى
جيتلك جيت لي تقابلنى ورميت حملى عليك


⁽³⁾ مقدرش أستغنى عنك ده مفيش فى الدنيا زيك
قلبى مملوك لشخصك ومالكشى فيه شريك


وإن يوم ضعفى غلبنى وللا الماضي جذبنى
أنا فوق الصخره مبنى هاأثبت وأرجع إليك



خريطة الموقع