كلمات ترنيمة : انا ميت

⁽¹⁾ انا ميت يعني في كل يوم احمل صليبي
انا ميت يعني في كل أموري أتبع حبيبي


الانانية ماتت وخلاص الذات انزاحت
من يوم ما بقالي يسوع نصيبي


⁽²⁾ انا ميت يعني احيا بالروح مش بالجسد
انا ميت يعني أحياها محبة مفيش حسد


ثمر الروح القدوس هو تتميم الناموس
ومثالي يسوع للابد


⁽³⁾ انا ميت يعني ولا اي خسارة تهمني
انا ميت يعني ولا احتياجاتي تذلني


ده صليبه والفدا وحياتي المجددة
في يسوع يكفيني ويسرني


⁽⁴⁾ انا ميت يعني غلبت في حربي مع الخطية
انا ميت يعني بدأت حياتي الأبدية


النصرة بقت في الايد والسر ياناس بسيط
مش انا (ده يسوعي حي فيا)


⁽⁵⁾ انا ميت يعني مثمر والحنطة دفنتها
انا ميت يعني الكلمة في قلبي حفظتها


العالم اتصلب وماليش ولا طلب
واحدة بس طلبتها



خريطة الموقع