كلمات ترنيمة : باتت دموعي

باتت دموعي على الخدين من أحزاني وأنيني
بصيت حواليا شمال ويمين ملقيتش حد يواسيني
لكن في لحظه أفتكرت أنه وحدك بتقدر تحس بيا
ماهو مش غريبه أصل أنا أبنه وقلت إنه الحمول عليا


ببكي على حالي ومرضي اللي الأطباء فيه أحتاروا
وسنين طويله وأنا في ألمي زي اللي يا ما كتير عانوا
لكن في لحظه أفتكرت أيدك يا يسوع دى ياما شفيت كتير
دا حتى لو ألمس هدب ثوبك يقف النزيف ويصير تحرير


مش عارف ليه كل الأبواب مقفوله دايما قدامي
حتى حبايبي والأصحاب ممكن في لحظه تنساني
لكن في لحظه أفتكرت أنك بكلمه تفتح ولا حد يقفل
وصرت صاحبي وحبيب لأنك عينك عليا ولا مره تغفل


مالت سفينتي في الميه والموج مكشر أنيابه
والبحر هايج وحواليا عمال بيعلى بأمواجه
لكن في لحظه أفتكرت أنك البحر والريح دا من صنيعك
تقدر بكلمه يا يسوع تقولها الموج وكل الرياح تطيعك



خريطة الموقع