كلمات ترنيمة : بالحكمة إنت وحدك

⁽¹⁾ بالحكمه إنت وحدك
ماسك زمام الأمر
كل الخيوط في يدك
وأمين بطول العمر


ليك الكلمه الأخيره
مهما قالوا في كلام
عالي وإيدك قديره
قلبك مليان حنان


⁽²⁾ صالح إنت ومحسن
صالح بطول العمر
وفي سترك إنت نسكن
مهما السنين بتمرّ


مهما الظروف تعاند
وان مرِّت الأزمات
تفضل بتقود وساند
في أصعب الأوقات


⁽³⁾ ما بتدِّي إلا الخير
مهما المشهد ظلام
كله بأمرك يصير
دي وعودك مش كلام


تفاصيل العمر عندك
وحاسبها بالإتقان
وحياتي هي ملكك
حبك أفضل ضمان


⁽⁴⁾ إديني عينين تشوفك
وتصدق بالإيمان
دا ما فيش أمر يفوتك
وفي ايدك السلطان


يا حبيبي ساعدني أشكر
وأسلِّم واسترِيح
واخضع لك ربي واصبر
انت حكمك صحيح


⁽⁵⁾ يتبعني خير ورحمه
دايما وفي كل يوم
إكليل إحسان ورأفه
فوقي دايما يدوم


وانا تايه بتراقبني
وبترثي لكل ضعفي
تشفع لي وتعالجني
وبنعمه ترد نفسي



خريطة الموقع