كلمات ترنيمة : بالشكر جايلك

⁽¹⁾ بالشكر جايلك يا أبو قلب طيِّب ياللي شايلني طول السنين
في حياتي شايفك إنك قُريّب مني ودايمًا انت أمين


حاسس بفضلك جودك وصبرك د أنا ما استاهلش ينبوع حنان
مين ربي زيّك ولا زي قلبك إنت الوحيد ينبوع أمان


⁽²⁾ ماسك أموري في ايدك انت ولا قوة تقدر ربي عليك
سر سروري اللي في حياتي إن أنا غالي ربي في عينيك


النور يضلم والليل يطول لكن قلبي يفضل سعيد
لما باسلم ليك القليل بكلمة منك يكفي ويزيد


⁽³⁾ مديون لشخصك ولساني عاجز إنه يوفّي لو مهما قال
دايب في حبك دا مفيش حواجز تقف قصادك ومفيش محال


لما باجي لك باشوف يمينك تصنع عجايب بالإيمان
والجاي ها عيش لك والقلب ملكك واثق في شخصك مش في العيان



خريطة الموقع