كلمات ترنيمة : بانتظرك وباصبر ليك

⁽¹⁾ بانتِظرك وباصبِر لِيك
واسكُب قلبي في صمت أمامك
ثقتي في شخصك بارتاح فيك
عيني عليك باستنى خلاصك


^(ق) إنت الرب الحلو الصالِح
مين يِخزَى مِن مُنتظريك
طيب للي بيترجَّاك
ضامن للي اتَّكَلوا عليك


⁽²⁾ إنت إلهي حياتي في إيدك
شجَّعنِي وانا مِستنِّيك
جَدِّد لِي القُوَّه وخلِّيني
وانا مُنتظِرَك فرحان بيك


⁽³⁾ لولا إيمانِي بعظمِة جُودك
وصلاحَك كُنت اعمِل إيه
إديني اتسنِّد بوعودك
شدد لِي رجايا وقَوِّيه


⁽⁴⁾ بارجع لك واسجد قدامك
واستنَّى خلاصك بسُكُون
واهدا معاك يِطَّمِّن قلبي
دا خلاصي في شخصك مضمون


⁽⁵⁾ لو هانتظر الناس راح أفشل
مِش هاستنَّى يا ربي سواك
رأي النَّاس يِتعِب ويفَشِّل
باترَجَّى مشورتَك ورِضَاك



خريطة الموقع