كلمات ترنيمة : بتحبني

⁽¹⁾ لما بافكر في الشمس والنجوم
السما والأرض الهوا والمية وكل الكون


مش باقدر أفهم إزاي دول صنع إيديك
بأمرك الكل صار وأصبح ليك


لكن الأصعب فهمه إزاي بتبص لي
إزاي بكل عظمتك دي بتفكر في


شايف كل لحظة وساعة بتمر بي
وف وسط كل الناس عينك علي


^(ق) أنا أبقى إيه
أنا أبقى مين
عشان إله الكون يعرفني


أنا واحد م الملايين اللي عايشين
إخترت تشوفني وتميزني مش لأي حاجة في


لكن علشان حبك عظيم
بتحبني


⁽²⁾ لما بابص لنفسي واشوف كل اللي في
باخجل آجي عندك باخاف تقسى علي


حاولت كتير أتغير قبل ما آجي ليك
نسيت إن عندك وحدك التغيير


دايما بانسى إن غفرانك مالوش حدود
وعلشان حبك لي بس أنا لي وجود


أنا ماستاهلش أعيش حياتي عند رجليك
وانت بتطلب مني أبقى ابن ليك



خريطة الموقع