كلمات ترنيمة : بتفرحني ياربي تملي

⁽¹⁾ بتفرحني ياربي تملي لما تسيل علي خدي دموعي


إنت النور اللي ينورلي لما بتطفي في ليلي شموعي


⁽²⁾ بتفرحني يارب في حزني لما أغرق في بحر أنيني


لما تزيد في عيني دموعي ألاقيك حالاً ربي تجيني


⁽³⁾ كنت بعيد عنك مخدوع كنت بعيد عنك يا يسوع


قبل ماجيلك كنت في جوع كانت كل حياتي دموع


⁽⁴⁾ كنت بعيد عنك محتار أحلي ما كان في حياتي مرار


كان الموت متربص لي منتظراني بحيرة نار


⁽⁵⁾ بتشجعني وترفع راسي أصلك ترسي وقرن خلاصي


كل ما أصلي بتسمع صوتي وألاقيك أقرب من أنفاسي



خريطة الموقع