كلمات ترنيمة : بدخل عمق جديد

⁽¹⁾ (بادخل عُمق جديد ف حياتي
أمجادك دي يوم ورا يوم)2
وحُضورك يسبيني يوماتي
عايز أسهر وأفوق م النوم


^(ق) (نور وحُضور وسلام بلقاه
والراحة وياك هاتدوم
كل قديم ف حياتي بنساه
وشعاري م الموت راح أقوم)2


⁽²⁾ (أنا شايل حقَّك جوايا
ماشي فاهم أنا مع مين)2
نور إعلانك ليَّ مرايا
هتبيِّن أنا منَّك فين


⁽³⁾ (وأنا ماشي في حاجات بارميها
هتعطَّل المجد معاك)2
عايز أرضيك مش عايز أرضِيها
راح أكمِّل وهدفي رضاك


⁽⁴⁾ (وأنا باخدم في ظُلم عليَّ
تعيير ومعاه ضرب لسان)2
بتطبطب وتشجَّع فيَّ
تحضُنِّي وبقُبلة كمان


⁽⁵⁾ (خيرك دا مغطِّيني وزايد
ولا بقلق وأعول الهمّ)2
بلقَى المَنْ المُخْفَى دا فايض
بيك راح أجاهد حتى الدم


⁽⁶⁾ (خلِّي المسحة تكون عنواني
رجليَّ مغموسة ف زيت)2
كلماتي مليانة معاني
بتبيِّن أنا ابن البيت



خريطة الموقع