كلمات ترنيمة : تختفي الاحزان في قربك

⁽¹⁾ تختفي الأحزان في قربك
يتشفي القلب اللي حبك
تتعفي الروح اللي ملكك
من عقوبتها وديونها


الديون إنت دافعها
والحمول إنت رافعها
والصلاة بتستمعها
والنفوس بتشيل همومها


^(ق) لو هموم سايدة وزايدة
والحلول مش جايبة فايدة
إنت بتنجي وتنقذ يا معين


يا معين يا معين إرحم حبايبك
يا يسوع إظهر عجايبك
خلي كل الدنيا تعرف إنت مين


⁽²⁾ مين يا رب ياخدنا منك
ولا مين يفصلنا عنك
ياللي شارينا بدمك
ياللي حاططنا في عيونك


وبعينك إنت حارسنا
راعي وبتحرس نفوسنا
صون بيوتنا وكنايسنا
مش هنتطمن بدونك


⁽³⁾ يتمحي ويخلص مرارنا
يمشي ليلنا يعود نهارنا
طول ما فوق عتبة ديارنا
دمك المرشوش علامة


بالعلامة دي خلاصنا
بالصليب رفعت راسنا
وإن أسود جات تفترسنا
الصليب هيكون حمانا



خريطة الموقع