كلمات ترنيمة : تسبيحي هيعلالك

تسبيحى هيعلالك ربى وشكر القلب دا ليك


وغنايا بمراحمك ليا فخرى يا أغلى مليك


ما هو قلبى المأسور بحنانك مليان بالتهليل


والفرحة اللى انا بيك باحياها عديتنى من الليل


مش هاقدر أوفيك يا إلهي أنا شكرى وحمدى إليك


عندك حل وسط المحنة ومعاك المفتاح


وان ثقتي فى ايديك اتهزت تلحقنى بأفراح


ما انت ضامنى وعارف اسمى منقوش على كفيك


وعدك ليا دا سر سلامى اصلى انا غالى عليك


ولا يقدر ابليس يلمسنى أنا هافضل عينى عليك


أدينى الترنيمة يا ربي اللى انا بيها هاعليك


وأملاني بأناشيد سماوية وباللحن اللى اهديك


مانا بكلامى ولحنى يا ربي مش هاقدر أوفيك


ولسانى هايعجز يتكلم حتى بصلواتى ليك


أملا حياتى يا رب بغنوة وصلوة أرفعها إليك



خريطة الموقع