كلمات ترنيمة : تعبت من الضياع

يارب إرحمني وخلصني سلامك وحده بينقصني
بعدت كتير رجعت بتوبة أنا خاطي ارحمني وخلصني


تعبت من الضياع كرهت البعد وطعم الغربة
تعبت من الضياع وعم فتش على راحة قلبي
تعبت من الضياع مش عم بقدر لاقي حالي
تعبت من الضياع ورح أصرخ بالصوت العالي


كرهت الماضي وأخباره وسهر الليل وأسراره
واللي كانوا سبب لفرحي أسباب الحزن صاروا
كذب وسكر ولعب قمار وشر مسيطر عالأفكار
والمخدر ليل نهار يطبع فيي آثاره
بترجاك تطلع فيي حبل الموت التف عليي
واللي فكرته الحرية عم يصلبني بمسماره


عمري بإيدي ضيعته ورح تطلب مني حسابه
وجسمي اللي بإيديك عجنته بكرا بيرجع لترابه
أنا بعرف إني المسئول لكن ما في عندي حلول
مش عارف شو بدي قول وآمالي كلن خابوا
ما بستاهل قلك بيي كلمة بيي كبيرة علي
تعبت كتير من الخطية وقلبي تمرمر بعذابه



خريطة الموقع