كلمات ترنيمة : تقدر توصل لي ف ضعفي

⁽¹⁾ تِقدر تِوصل ليَّ ف ضعفي
وِتعوَّض عن كلّ ما فات
تُعضُدني وانا ساقِط مَحنِي
تِرفع تِحيي بعد مَمَات


^(ق) تِقدر ما انتَ قدير مِين زَيَّك
تِحيي المَوتَى وليك سُلطان
تِدعي المِش موجُود وِيجاوبك
عايز بسّ ف قلبي إيمان


⁽²⁾ وِتحرَّر مِن قِيد طال أسرُه
وِترَجَّع عَصفور كان تاه
يِرجع لِمَكانُه وِلعِشُّه
إنت مَكانُه وإنت شِفَاه


⁽³⁾ تِقدر تِحسِم وقت طويل
عَدَّى عليَّ وانا في صِرَاع
تُشرُق رغم ظلام الِّليل
وِتغيَّر كلّ الأوضاع



خريطة الموقع