كلمات ترنيمة : جيتنا بميلادك

^(ق) (في يوم ميلادك خطر في بالي كأني انا عايش هناك شوفتك صغير في مزود حقير و أمك و يوسف كانو معاك)2


(انت الغني اللي مولود فقير و انت الاله اللي سايب سماه)2


⁽¹⁾ (اجيلك ساجد مع الرعاه و زي المجوس اقدم كنوز و اشوف هروديس و رعبه ماليه علي ملكه الفاني خايف مهزوز)2


(و رحلة هروب في سكك و دروب و بلد ترفض و بلد تعوز)2


⁽²⁾ (و اشوفك وانت في الهيكل تعلم بتقرا و تفسر معاني الكلام و فلحظة غيرة بتمسك السوط و تطرد من بيتك تجار الحمام)2


(و اشوف معجزاتك و انكارك لذاتك و العازر لما من قبره قام)2


⁽³⁾ (في يوم ميلادك خطر في بالي كأني انا عايش هناك شوفتك صغير في مزود حقير و أمك و يوسف كانوا معاك)2


(انت الغني اللي مولود فقير و انت الاله اللي سايب سماه)2


⁽⁴⁾ (و اشوف الساميرية و كمان المجدالية و المرأه الممسوكة في ذات الخطية و زكا و متى و كل العشارين و الكل بيقدم توبة نقية)2


(و انت بتغفر للكل و تسامح و تفتح للي يتوب باب الآبديه)2


⁽⁵⁾ (و اشوف بعيني يهوذا اللي خانك و الشعب اللي أنكر خيرك و دانك و اللي حكموك و صليبك شيلوك و اللي استهزاء بيك و اللي هانك)2


(و انت يارب بمحبه عجيبه علشان كل دول جيتنا بميلادك)2


(علشان كل دول جيتنا بميلادك)3



خريطة الموقع