كلمات ترنيمة : حقا نؤمن ونعترف ونمجد العجيب

^(ق) حقا نؤمن ونعترف
ونمجد العجيب
تجسد ورأينا مجده
وتأنس من حبه فينا


⁽¹⁾ في البدء كان الكلمة
والكلمة كان عند الله
وكان الكلمة هو الله
وصار جسدا ليعلينا


⁽²⁾ إبن الله بالحقيقة
صار إبنا للإنسان
علشان نبقى أولاد لله
والله يبقى أب لينا


⁽³⁾ ماقدرناش نيجي عندك
جيت انت بحبك لينا
ولما عجزنا ندور فين؟
دورت بحبك علينا


⁽⁴⁾ ولما فسدت طبيعتنا
واحتاجنا لمجد الله
جيت في الصورة البشرية
علشان تدي مجدك لينا


⁽⁵⁾ ولما شفت عنينا ما
تقدر على نور اللاهوت
حجبت النور بالتجسد
فانكشف على قد عنينا


⁽⁶⁾ كنا عبيد نستنى الأجرة
صرنا فيه ورثة كأبناء
علشان هو الوارث وحده
واحنا فيه والورث لينا


⁽⁷⁾ صرنا عبيد بالسقوط
واتجسد علشان يموت
ويحررنا م العبودية
ونقول:بابا والابن فينا


⁽⁸⁾ مع إنك الابن الوحيد
أخليت ذاتك بالتجسد
علشان تجمع الأبناء
للآب وانت وحيده فينا


⁽⁹⁾ شاركنا في البشرية
علشان يجمَّعنا ليه
متحدين في الكنيسة
جسده وهو الرأس لينا


⁽¹⁰⁾ إتولد حسب الجسد
وجوهره أزلي أبدي
علشان نتولد بالروح
وينزع عنا اللي مش لينا


⁽¹¹⁾ أعطانا هذا الإيمان
نصبح أبناء بالسلطان
بقبولنا سر التجسد
ولما طلبناه يسكن فينا


⁽¹²⁾ جيت من فوق للبشرية
علشان نتولد من فوق
وناخد الولادة التانية
بالروح لما تولَد فينا


⁽¹³⁾ الابن الأزلي بالطبيعة
أخذ ميلاد غير طبيعته
علشان نقبل فيه ميلاد
غير طبيعتنا يا بختينا


⁽¹⁴⁾ لما الموت دخل إلينا
جه في صورة جسد الموت
وابطل الموت في الجسد
واحيانا بموته لأجلنا


⁽¹⁵⁾ خدت جسم آدم ال
قابل للموت وخليته
مصدر الحياة للموتى
وقمت به وصعدت بينا


⁽¹⁶⁾ ماقللشي من طبيعتك
التجسدحاشا ليك
لكن علىَّ من طبيعتنا
دي النعمة وده حبك لينا



خريطة الموقع