كلمات ترنيمة : حي هو الرب إلهي

^(ق) حيّ هو الرب إلهي
اللي أنا واقف قدامه
حيّ سيدي الملك
اللي أنا عايش خدامه


⁽¹⁾ لا أنا خايف من شيءٍ كان
ولا من مخلوق مهما إن كان
ولا محتاج شيء من إنسان
ده مكفيني سلامه


⁽²⁾ أنا عاكف على المكتوب
ضد التيار المقلوب
باشهد ليسوع المحبوب
وأتشارك في آلامه


⁽³⁾ أنا شايف آخر المشوار
جاي الفجر وجاي نهار
ولحد الشر ما ينهار
أنا هارفع أعلامه


⁽⁴⁾ أنا عارف إيماني بمين
ده القادر يحفظني آمين
جاي وهاشوفه بكل يقين
زي ما وعد في كلامه


⁽⁵⁾ أنا واقف مستني وعود
تتحقق والمجد يعود
ونقف كده صفين بالعود
ونعللي في أنغامه



خريطة الموقع