كلمات ترنيمة : خرج الزارع مرة يزرع زرعه الكتير

^(ق) (خرج الزارع مره
يزرع زرعه الكتير
قام شال فوق كتفه البذره
ومشي مشوار كبير)2


(وقعوا شويه شويه
من ثقب لكنه صغير)2
(خرج الزارع مره مره
يزرع زرع كثير)2


⁽¹⁾ على الطريق من غير ما يدرى
وقعوا شويه مش كثير
جات طيور السماء تجري
اكلتهم ورجعت تطير


زي القلب اللي ما يفهمش
صوت ربنا يجيله كثير
ابليس حالآ يخطف منه
صوت ربنا ويبقى فقير


⁽²⁾ وقعوا شويه فوق ارضيه
حجريه مالهاش اصول
نبتت حالا لكن طلعت
شمس وحرقتها على طول


زي اللي يفرح بكلامه
وفي الحال يقبله قبول
لما تيجي الضيقة يسيبه
اصل حب ملوش اصول


⁽³⁾ وقعوا شويه على ارضيه
كان الشوك فيها مزروع
مسكينه الارض ديه
طلع الشوق خنق الزروع


زي اللي يسمع بودانه
كلمه ربنا يسوع
هم العالم يقلب حاله
يجعلها احزان ودموع


⁽⁴⁾ رابع مرة فيها شويه
وقعوا في احسن ارضيه
طلعت زرعه حلوه بهيه
وبدل الثمرة طلع ميه


زي اللي يسمع ويفهم
وينفذ كل وصيه
واللي ليه ودان بتسمع
يسمع الامثال ديه



خريطة الموقع