كلمات ترنيمة : خليني كاتب متعلم

خليني كاتب متعلم
في ملكوت السموات
ساعدني أشهد وأتكلم
بأسرار واختبارات


ساعدني أتعلم منَّك
وأكون تلميذ عند قدميك
أتعلِّمك وأعلَّمك
للناس اللي بتدوَّر عليك


املا لي قلبي من حكمتك
واجعلني واحد من السفراء
ساعدني أخرج من كنزي
جددً وعتقاء


امسك يميني وعلمني
أبني معاك الملكوت
واديني نعمه في عينك
أتكلِّم دايمًا ولا أسكت


اشغلني ربي بخدمتك
ويكون شوق قلبي أكرمك
املاني من محبتك
أتكلم عنك وأكلمك


تعال اتعهد الكرمة
اللي زرعتها يمينك
واحفظ شعبك وكنيستك
وصونها زي حدقة عينك


واحفظ لنا حياة وقيامة
البابا .... أطول الأيام
وساعده يقود الزمام
لحد المينا بسلام



خريطة الموقع