كلمات ترنيمة : خيرها في غيرها

^(ق) (خيرها ف غيرها وماتبكيش
دمعك مايجيب اللي راح
انفض ايدك ماتنحنيش
سيدك ضامن الأفراح)2


⁽¹⁾ (اللي خيرك فيه يا حبيبي
راح يجي ولحد الباب
كل خيوط الامر في ايدي
وانا بسبب الاسباب)2


⁽²⁾ (والغيمه اللي قد الكف
جايه بعد صلاه ودموع
بكره مطرها يزيد ما يخف
ده اللي بعتها الرب يسوع)2


⁽³⁾ (وان راح منك ناس وحاجات
ربك لسه عنده كتير
ما تسلمش لجلد الذات
ربك رب عظيم و قدير)2


⁽⁴⁾ (دايما يدي اللي يفيدك
علشان هو أب حكيم
ثق في أمانة وجمال سيدك
ربك قلبه عطف وكريم)2



خريطة الموقع