كلمات ترنيمة : دموعك دي ليها رب

هو صاحب اللي ماله هنا أصحاب
وحبيب اللي عاش مستني حب
ووقت اما تصرخ مدامعنا


وتقول: هو فين وليه غاب؟!
نلقى رحمته سايعانا
بقول: دموعك دي لها رب


أيوه معدي وجعي
بقولة: الله رحيم بالإنسان
وان طول والأزمة ان طالت
أنا وياه صابر لأوان


راسي منكس عند صليبه
وف قبري مرفوع القلب
عتمة وكتمة لكن فيه قيامة
وهو نوري ولو غاب الدرب


الله رحيم بينا
الله هو أبونا


أسأل جوه الحيرة ألقاه
صامت وحضوره إجابات
وجهه ما بين الآه والآه
طلته شمس ورا الغيمات


لا بيطّفي أتون ولا يمنع
إيد الشر علينا تتمد
لكن نلقى النار ما بتلسع
وحبال الشرير لها حد


الله رحيم بينا
الله هو أبونا


يحتضن المرفوض من ناسه
وحبه يقول مفتوحلك حضني
أنا مع عبدي ف عاره وذله
لو قابل عاري وغنى صلبي


الغربة تعديها بقربي
والوحدة أهونها بحبي
هم يشوفوا ازاي تعبوك
وانا اشوف فيك ثمرة تعبي


الله رحيم بينا
الله هو أبونا



خريطة الموقع