كلمات ترنيمة : دوبي دوبي فينا

^(ق) (دوبى دوبى فينا
يا كنيستنا يا أمينة )2
(بروحك عيشينا
فى إيمانك ثبتينا)2
و للأبدية أهدينا أهدينا و للمسيح ودينا


⁽¹⁾ ((آه لو المسيح يجينا
فى مرة و يكشف لينا
ونشوف الكنيسة ديه
بالروح مش بعنينا)2


هنلاقيها سما تانية
بالنور متزينة
ونشوف قديسين وملايكة
والمسيح وسطينا)2


⁽²⁾ ((والمذبح ببهائه ومجده
شيفينه بعنينا
يدعينا لوليمة بهية
من السما لينا)2


جسد ودم إلهنا
يسكن فى قلبنا
ومجد و فرح وسلام
سما تانية لينا)2


⁽³⁾ ((تمام زى عروسة جميلة
و المسيح عريسك
أسرارك جواهر سبعة
مزينة تاجك)2


قربانك لقمة محبة
بياكلها أولادك
وشموع وقناديل و بخور
عطر فى أنفاسك)2


⁽⁴⁾ ((رضعتينا لبن الحب
وأنت بيه غنيه
ذوقتينا على الأرض
طعم الأبدية)2


فهمتينا كلام إلهنا
عن السما ديه
بالأجبية و الإنجيل
و الإبصلمودية)2



خريطة الموقع