كلمات ترنيمة : دورت كتير

دورت كتير على شيء يسعدني حاولت ألاقي حاجة تشبعني
وفضلت تايه في الدنيا هايم قلبي لسه عطشان
سمعت واحد بيناديني قال تعال امسك بإيدي
أنا عارفك دا أنا خالقك أنا حاسس بيك
وجيت عشانك يا حبيب مت بدالك على الصليب
وهبتك حياة وإديتك نجاة كل ذنوبك مغفورة لك


وشفت إيده ممدودة لي بلمسة شافية فتح عيني
نور طريقي غير حياتي أنا اللي كنت بعيد
إزاي ماكنتش شايف ربي وكنت عايش من غيره جنبي
ركعت قدامه ومسكت في إيده صرخت بأعلى صوت
حياتي تبقى ليك اليوم تشهد عن يسوع وتقول
هو ده الطريق وهو المليك هو ده إلهي الأبدي
تعال وسلم حياتك قدامه دا هو إلهك وحاسس بحالك
هايديلك قوة ويضمن لك نصرة
على كل خطية ما ترنم معايا
حياتي تبقى ليك اليوم تشهد عن يسوع وتقول
هو ده الطريق وهو المليك هو ده إلهي الأبدي



خريطة الموقع