كلمات ترنيمة : دول يا يسوع

دول يا يسوع اللي قادوا نار
في قلبك دول اللي خانوك


المسمار وصليب العار
ويا الحربة وتاج الشوك


دول اللى خانوك


أنا كنت صليبه اللي رفعته
كنت قريب منه سمعته


قال لي ليه بتعذب فيَّ
ما كفاية قلوب البشرية


زي ما باعه العالم بعته


وأنا كام من قلب قاسي عليه
كنت بعيد قربت إليه


إديت جسمي في جسمه النار
علشان كنت أنا المسمار
المدقوق في إيديه ورجليه


وأنا كنت على جبينه التاج
اللي ماحدش ليه محتاج


يا إنسان لو يوم سألوك
إشهد إن آلام الشوك


أقوى وأصعب من ضرب الكرباج


وأنا كنت أقساكم على قلبه
بِعت في لحظة حنانه وحبه


كنت نهاية لكل جروحه
حتى بعد ما سلِّم روحه


كنت الحربة اللي طعنت جنبه


إنتوا ماكنتوش غير بركان
قاده الإنسان فيَّ زمان


إللي بنار ظلمه عذبني
إبني اللي ضميته في حضني


ظالم يا قلب الإنسان



خريطة الموقع