كلمات ترنيمة : راجعين للمدينة

^(ق) راجعين للمدينة
والدمعة الحزينة
راح يمسحها بإيده
الفادي الحنَّان


⁽¹⁾ وعد إلهي ده وعد أكيد
يوم ما يجينا ده يوم العيد
فوق حوالين العرش نزيد
في التهليل ويا التمجيد


ونرنمها مع الألحان


⁽²⁾ مالناش هنا في الأرض مكان
رحلة غربة وليها زمان
هدف الرحلة إن الإيمان
يبقى عينينا وزادنا كمان


نطوي الرحلة مع الألحان


⁽³⁾ فوت يا زمان الصعب علينا
زمن المُلك أهو راجع لينا
مهما الارض ها تطرح لينا
عمر العالم ده ما يغرينا


ولا يحنينا عليه إنسان


⁽⁴⁾ يكفى تمنّي ويكفى أنين
قرَّب ييجي أكيد راجعين
شوق في القلب بقاله سنين
وإحنا نقولها تعالي آمين


وإحنا نقولها تعالي آمين



خريطة الموقع