كلمات ترنيمة : ربي إنت هو هو

⁽¹⁾ كنت الرابع في الأتون
لما الفتيه كانوا جواه
النار صارت جَنه وفرحه
وانت معاهم يا ابن الله


^(ق) ربي إنت هو هو
مش ممكن أبدًا تتغير
إنت امبارح إنت اليوم
إنت بكره لا تتغير


⁽²⁾ كنت التالت ماشي وياهم
لما كانوا رايحين عِمواس
بالمكتوب نورت عينيهم
صِحِي القلب بعد نعاس


⁽³⁾ كنت التاني ويَّا بطرس
لما كان هربان غفلان
رِجْعِتْ نفسه وكمان حبه
عاد إليك يرعى الخرفان


⁽⁴⁾ إنت الأول وانت الآخر
إنت الألف وانت الياء
إنت الأزلي وانت الأبدي
إنت الفادي والرجاء



خريطة الموقع